07 июн 07:34
Янгиликлар

Бошқалар

Чим устида хоккей бўйича терма жамоамиз халқаро турнирда иштирок этмоқда

Ўтган йилнинг декабрь ойида Покистоннинг Лахор шаҳрида эркаклар жамоалари ўртасида чим устида хоккей бўйича “Hockey Series” халқаро турнирнинг биринчи босқичи бўлиб ўтган эди.

Токио-2020 ёзги Олимпия ўйинлари йўлланмаси учун рейтинг баллари берувчи ушбу мусобақада терма жамоамиз Қозоғистон, Афғонистон ва Непал терма жамоаларини йирик ҳисобларда мағлуб этган ва ўз тарихида илк маротаба мазкур турнирнинг иккинчи босқичига йўлланмани кўлга киритган эди.

Мазкур халқаро турнирнинг иккинчи босқичи 6-17 июнь кунлари Ҳиндистоннинг Бхубанешвар шаҳрида ўтказилмоқда. Мусобақанинг биринчи босқичидан муваффақиятли ўтган жамоамиз дунё рейтингида 70-ўриндан 43-ўринга кўтарилган эди.

Иккинчи босқичда вакилларимиз жаҳон рейтингида юқори ўринларни эгаллай олган Ҳиндистон (5-ўрин), Польша (16-ўрин), Россия (22-ўрин), АҚШ (25-ўрин) ва Мексика (39-ўрин) каби жамоалар билан баҳс олиб борадилар.