Чим устида хоккей жамоамиз қизлари тақдирланишди ФОТОРЕПОРТАЖ

Мусобақада иштирок этган Ўзбекистон ёшлар терма жамоаси фахрли иккинчи ўринни қўлга киритган эди. Бугун эрта тонгда Осиё кубоги совриндорлари юртимизга қайтиб келишди.

Спортчи қизларимизни Ислом Каримов номидаги Тошкент халқаро аэропортида Ўзбекистон миллий олимпия қўмитаси ҳамда Ўзбекистон чим устида хоккей федерацияси мутасаддилари, спортчиларнинг яқинлари ҳамда ОАВ ходимлари кутиб олишди.

Таъкидлаш жоиз, Осиё кубогидаги 2-ўрин вакилаларимизга келгуси йил Японияда ўтказиладиган Осиё чемпионатида иштирок этиш ҳуқуқини тақдим этган. 

Бугун пойтахтимиздаги “Олимпия шон-шуҳрати” музейида чим устида хоккей бўйича Ўзбекистон ёшлар терма жамоаси аъзоларини тақдирлаш маросими ўтказилди. Маросимда Ўзбекистон чим устида хоккей федерацияси президенти Баҳодир Аҳмедов иштирок этди. 

Суратлар муаллифи - Алимурод Мамадаминов