Чимаев Адесанья ва Усманнинг камарига кўз олайтиряпти

Асли чеченистонлик бўлган Чимаев якшанба тонгида UFC Fight Night 178 турнири доирасида ўзининг навбатдаги жангини ўтказади. Бўлажак жангда у ўрта ва ярим ўрта вазн чемпионлик камарлари учун муносиб номзод эканини исботлашга ҳаракат қилади. 

"Мен ҳар иккала вазндаги чемпионлик камарларини ўзимники қилиб олмоқчиман. Адесанья билан жангда қийинчиликка дуч келмайман деб ўйлайман. Мен уни партерда мағлуб этаман. У яхши зарба бера олади. Лекин мен партерда тенгсизман. Менга қолса, Пауло Коста Адесаньяни мағлубиятга учратсин. Лекин бу жангда Исраэль рақибини масофада ушлаб, лоукик зарбалари эвазига очколар бўйича ғалаба қозонса керак.

Камару Усманга келсак, у рақиби Бёрнсдан сезиларли даражада кучли. Тўғри, Бёрнс ҳам иккита жангда ғалаба қозониб, чемпионлик камари учун октагонга чиқиш ҳуқуқини қўлга киритди. Лекин унгача бир нечта жангда ютқазганини ҳам эсдан чиқармаслик керак. Енгилмас Усман қийинчиликсиз енгади. Агар шу икки чемпионлик жангида кимдир жароҳат олса, мен октагонга чиқишга тайёрман", - деди Чимаев.