Чирчиқ Ўзбек жанг санъати бўйича мамлакат чемпионатига мезбонлик қилмоқда + ФОТОГАЛЕРЕЯ

Мамлакат чемпионатида Қорақалпоғистон Республикаси, Тошкент шаҳри ва барча вилоятлардан атлетлар иштирок этмоқда. Мусобақа регламентига кўра, барча ёш тоифасида "Шахсий  комплекс машқи", "Шахсий Темурийлар жанг усули" йўналишларида 500 нафарга яқин спортчилар ўзаро куч синашишмоқда. 

Кеча Ўзбекистон чемпионатининг тантанали очилиш маросими ҳам ташкил этилди. Юқори савияда ўтган тадбирда Спорт вазири ўринбосари Шахрулло Маҳмудов, Ўзбекистон давлат жисмоний тарбия ва спорт университети ректори Рашид Маткаримов, Ўзбек жанг санъати федерацияси раиси Пўлат Усмонов иштирок этди.  

Мусобақа 8 мартга қадар давом этади ва спортчилар ўз вазн тоифаларида "Жамоавий комплекс машқ", "Жамоавий кўргазмали чиқиш" ҳамда "Ассалом тонг" сингари йўналишлар бўйича куч синашишади. 

Илҳом РАҲМОНОВ тайёрлади