17 фев 18:55
Янгиликлар
Чирчиқда бокс бўйича халқаро турнир старт олди
Бугун, 16 февраль куни Чирчиқ шаҳрида Ўзбекистон давлат жисмоний тарбия ва спорт университетини бокс таълим йўналиши бўйича тугатган фахрий спортчилар хотирасига бағишлаб катта ёшдаги спортчилар ўртасида бокс бўйича халқаро турнир старт олди.
Мусобақада Республикамизнинг турли ҳудудларидан спортчилар, шунингдек, Қозоғистон, Қирғизистон ва Тожикистондан ташриф буюрган чарм қўлқоп усталари кураш олиб боришмоқда.
Чарм қўлқоп усталари 10 та вазн тоифасида беллашишмоқда. Медаллар учун 119 нафар спортчи кураш олиб бормоқда.
Мусобақанинг тантанали очилиш маросимида Ўзбекистон бокс федерацияси раисининг биринчи ўринбосари Сакен Полатов, Ўзбекистон давлат жисмоний тарбия ва спорт университети рекори, профессор Махмуджон Болтабаев, боксимиз фахрийлари, спортчи ва мураббийлар, ҳакамлар, мухлислар иштирок этишди.
Баҳслар қизғин равишда давом этмоқда. Жанглар ҳар куни соат 11:00да старт олади. Финал жанглари 20 февраль куни ташкил этилади.
ЎзДЖТСУ матбуот хизмати
Фикрлар