29 окт 09:23
Янгиликлар

Дзюдо

Чирчиқлик ёш дзюдочилар халқаро турнирдан медаллар билан қайтишди

25-28 октябрь кунлари Қирғизистон пойтахти Бишкек шаҳрида дзюдо бўйича 2007-2008, 2009-2010 йилларда туғилган ўғил болалар ва қизлар ўртасида “BISHKEK OPEN 2019” халқаро турнири бўлиб ўтди.

Мазкур халқаро мусобақага пухта тайёргарлик кўрган Чирчиқ шаҳар болалар-ўсмирлар спорт мактаби ёш дзюдочилари кучлилар қаторидан жой олишди.

БЎСМнинг малакали мураббийлари Жаҳонгир Жабборов ва Ихтиёр Худойбергенов қўл остида шуғулланаётган Қувонич Маҳаммадов биринчи, Отабек Маҳаммадов, Шохруҳ Эркинов, Жавоҳир Муратбаев иккинчи, Наргиза Рўзметова ҳамда Сардор Баҳодировлар учинчи ўринни эгаллаб, халқаро турнирдан медаллар шодаси билан қайтишди.