Чироқчилик фахрий самбочилар Осиё-Океания чемпионатида 3 та медаль қўлга киритишди

Мусобақада қитъамизнинг йигирма бешга яқин мамлакатидан 600 нафардан ортиқ самбочи турли ёш тоифаларида медаллар учун кураш олиб боришди. Осиё чемпионатида самбочиларимиз умумий ҳисобда 69 та олтин, 29 та кумуш, 45 та бронза медалини қўлга киритиб, умумжамоа ҳисобида биринчи ўринни эгаллашди.

Ғолиб ва совриндорлар сафидан Қашқадарё вилояти Чироқчи туманининг фахрий полвонлари ҳам жой олишди. Хусусан, 50-54 ёш тоифасида +98 кг вазнда Чироқчи спорт мактаби директори Анвар Жўраев кумуш медаль, 60-65 ёш тоифаси ва 88 кг. да Баҳриддин Ярматов олтин, 40-45 ёшлилар ўртасида 98 кг. да Баҳодир Давронов бронза медалига сазовор бўлди. 

Илҳом РАҲМОНОВ тайёрлади