Чусовитина Котбуцдаги Жаҳон кубогида иштирок этди

Ушбу нуфузли мусобақада афсонавий спортчимиз, еттита Олимпиадада иштирок этган ягона атлет Оксана Чусовитина ҳам ўз маҳоратини намойиш этди. Ҳамюртимиз финал босқичида 14,279 балл билан бешинчи ўринни эгаллади. 

Қизиғи шундаки, у саралаш баҳсларида 14,416 балл билан учинчи бўлганди. Бронза медалига эга чиққан Дипа эса бор йўғи олтинчи поғонадан жой олганди. Бешинчи натижа ҳам 43 ёшли Оксана Чусовитина учун ёмон натижа эмас.  

Эътиборлиси, тўртинчи поғонадан жой олган мексикалик Алекса Морено 14,279 ҳам Чусовитина билан бир хилда балл тўплади. Оксана яқинда Қатарда ўтган жаҳон чемпионатида тўртинчи ўринни банд этган эди. 

Бразилиялик Ребека Андраде 14,728 балл билан олтин медал соҳибасига айланди. Кумуш ва бронза медаллар мос равишда АҚШ вакиласи Жейд Карей (14,516) ҳамда ҳиндистонлик Дипа Кармакар (14,316)га насиб этди.