Циндао “Мастерс” турнири стартига 3 кун қолди!

12-14 декабрь кунлари Хитойнинг Циндао шаҳрида ўтказиладиган “Мастерс” сериясига кирувчи ушбу турнирда 5 та қитъанинг 68 мамлакатидан жами 454 (236 эркак ва 218 аёл) нафар дзюдочи мусобақа медаллари ҳамда Токио-2020 Олимпиадаси йўлидаги муҳим рейтинг очколари учун баҳсларга киришишади. 11 декабрь куни турнирга қуръа ташлаш ҳамда иштирокчиларни тарозидан ўтказиш маросимлари бўлиб ўтади. 

Эътиборга молик жиҳати шундаки, йилнинг сўнгги нуфузли мусобақаси ғолиблари 1800 рейтинг очкосини ўз ҳисобларига ёзиб қўйишади. Бу Жаҳон чемпионатидан кейинги энг катта мусобақа ҳисобланади. Таққослаш учун, шу йил Японияда ўтган жаҳон чемпионати ғолиблари 2000 рейтинг очкосини қўлга киритишган эди. 

Сўнгги маълумотга таянадиган бўлсак, “Мастерс” турнирида энг кўп иштирокчи Европадан бўлиб, Қўҳна қитъанинг 35 давлатидан жами 265 нафар дзюдочи Хитойга келади. Осиёнинг 13 мамлакатидан 124 спортчи мусобақада қатнашиш истагини билдирган. Улар орасида Ўзбекистон терма жамоасининг 11 нафар дзюдочиси ҳам бор.   

Ўринлар учун кафолатланган рейтинг очколар:

Чемпион – 1800 балл

2-ўрин – 1260 

3-ўрин – 900 

5-ўрин – 648 

7-ўрин – 468   

Иштирок учун – 200