Cтол теннисчиларимиз Эрон ва Марказий Осиёлик тенгдошлари билан баҳслашишди

Мазкур спорт ҳафталигида 10 ёшдан катта бўлган Ўзбекистон, Эрон ва Марказий Осиё давлатларининг терма жамоалари аъзолари ўқув-машғулот йиғинида назарий ва амалий, техник ҳамда жисмоний машғулотларда ўз тажрибаларини оширди. Ёш теннисчилар австриялик мураббий Дмитрий Левенко, эронлик Фаражи Реза ҳамда мамлакатимиз стол тенниси федерацияси раиси Саида Маҳмудова қўл остида шуғулланди.

Ҳафталик якунидан сўнг кадетлар ва "Олимпия умидлари" тоифасида халқаро очиқ турнир ўтказилди. Стол тенниси бўйича илк маротаба мамлакатимизда ўтказилган мазкур мусобақада совринли ўринлар учун кураш асосан Ўзбекистон ва Эрон терма жамоалари аъзолари ўртасида ўтди.

Кескин ва муросасиз ўтган турнирнинг кадетлар ўртасидаги баҳсларда Никита Панов ҳамда Насибахон Тожиоҳунова терма жамоамизга бронза медалини келтирган бўлса, "Олимпия умидлари" ёш тоифасида Аселя Эркабоева кумуш, Шаҳбоз Ғуломиддинов эса бронза медалини қўлга киритди.

Кадет қизлар:

1. Элина Раҳими (Эрон)
2. Мобина Собханихон (Эрон)
3.Насибахон Тожиоҳунова (Ўзбекистон)

Кадет ўғил болалар:

1. Самади Саидмуҳаммадамин (Эрон)
2. Навид Шамсшарбабаки (Эрон)
3. Никита Панов (Ўзбекистон)

"Олимпия умидлари" тоифасида:

Қизлар:

1. Ситаеш Илохон (Эрон)
2. Аселя Эркабоева (Ўзбекистон)
3. Баран Аржманд (Эрон)

Ўғил болалар:

1. Ясин Эсфахони(Эрон)
2. Банямин Фарази(Эрон)
3.Шаҳбоз Ғуломиддинов (Ўзбекистон)