Дана Уайт барча даврлардаги севимли ММА жангчиларини айтди, улар орасида Хабиб йўқ

Уайт бу борада Конор Макгрегор, Ронда Роузи ва Чак Лидделлни айтиб ўтган.

"Севимли жангчим борлигини айтиш қийин. Конор Макгрегор ақлбовар қилмас ҳамкор. Одатда, сиз бундай суперюлдузларни учратганингизда, улар ўзларини эгоистик тутишади. 

Мендан доим сўрашади: "Улар билан ишлаш қийинми?". Йўқ, одатда бундай эмас. Ҳақиқатдан ҳам у яхши ҳамкор, бизнес қандай эканлигини тушунади. У билан ишлаш ҳақиқатдан ҳам яхши. Демак, Конор менинг севимли жангчиларимдан бири. Яна Ронда Роузини айтаман. Катта эҳтимол, у мен ишлаган энг яхшилардан бири. Бундан ташқари, Чак Лиддел билан ҳам муносабатлар жуда яхши", - деди Дана Уайт.