Дана Уайт Царукян - Руффи жанги мақоми ҳақида: "Арман жуда кўп гапириб юборяпти"

Дана бу маълумотни тасдиқламади.

"Жанг якунланмагунча бундай нарсалар ҳақида гапиришни ёқтирмайман. Арман кўп нарсаларни ўз номидан гапириб юборяпти, лекин келинг, аввало бу жанг қандай якунланишини кўриб олайлик", — деди ташкилот раҳбари Sports Central нашрига берган интервьюсида.

Аввалроқ Арман Руффи билан жанг қилишга рози бўлганида, ташкилот раҳбариятидан ғалаба қозонган тақдирда навбатдаги жанги чемпионлик учун бўлиши ҳақида кафолат олганини маълум қилганди. Шу билан бирга, бразилиялик жангчи ҳам агар ушбу қарама-қаршиликда ғалаба қозонса, чемпионлик камари учун жанг қилишига ишонч билдирган.

Арман Царукян ва Маурисио Руффи ўртасидаги беш раундлик енгил вазн тоифасидаги жанг 19 сентябрь куни Лос-Анжелесда бўлиб ўтадиган UFC 331 турнирининг иккинчи асосий воқеаси (co-main event) мақомига эга.