Дана Уайт Чимаевнинг жанги ҳақида: "Бу тўқнашув асосий жангларни ортда қолдирди"

"Бу мен кўрган энг яхши жанглардан бири бўлди. Арена том маънода "портлади", одамлар ақлдан озишди. Бу жанг турнирнинг асосий жангларини ҳам сояда қолдирди. Мен Жо Роган, Ник ва Шондан "Қаердандир пайдо бўлиб бундай натижага эришган йигитни олдин кўрганмисиз?" дея сўрадим. Олдин уни ҳеч ким билмасди. Бир-икки жангдан сўнг, у рейтингдаги иккинчи рақамли жангчи билан кураш олиб борди ва уни енгди.

Хамзат қотиллар ҳукмронлик қиладиган дивизионнинг бешинчи ўринида. Буёғига ҳазиллар ўтмайди. Бугун у жиддий синовдан ўтди. Ўйлаб кўринг, унинг илгари бундай ажойиб дақиқалари бўлмаган. Унинг жанги турнирнинг асосий жангларидан кўра кўпроқ кутилганди. Ҳамма у ҳақида гапирмоқда. Гўё у ўз шаҳрида жанг қилгандек, одамлар Чимаевнинг чиқишини кўриб ақлдан озишди", — деди UFC раҳбари матбуот анжуманида.