Дана Уайт: "Футбол – энг истеъдодсиз спорт тури"

"Ўн беш йил олдин мен футбол энг истеъдодсиз спорт тури эканлигини айтган эдим. Суҳбат нимадан бошлангани эсимда йўқ, ўшанда мен: "Уч ёшли болалар ўйнашининг сабаби бор. Дарвоза девор катталигида бўлса, ҳисоб 1:1 бўлади. Яхшиси, хоккей ҳақида гапириш керак, гарчи мен ҳам унинг ашаддий мухлиси бўлмасам-да. Аммо у ерда йигитлар соатига юз миль тезликда югуришади, дарвоза катталиги ўша дарвозада турган одамдек келади ва сени деярли ҳар сонияда "қоқиб" қўйишлари мумкин. Қулоқ солинг, мен Криштиану Роналдуни жуда яхши кўраман, у билан жуда яхши муносабатдаман, лекин бу йигитларга бўлган ҳурматим билан - мен шунчаки футбол мухлиси эмасман. Бу иккисини адаштириб юбормаслик керак", - деди Уайт Big Boy TV`га берган интервьюсида.

Эслатиб ўтамиз, Криштиану Роналду, Златан Ибрагимович, Серхио Рамос, Уэйн Руни, Неймар каби футбол юлдузлари аралаш яккакурашлар ишқибози бўлиб, бир неча бор UFC турнирларига ташриф буюрган.

Бўлажак футбол бўйича жаҳон чемпионати бир вақтнинг ўзида АҚШ, Мексика ва Канадада бўлиб ўтади ва 1994 йилги Жаҳон кубогидан кейин Қўшма Штатлар тарихидаги иккинчи "мундиал" бўлади.