Дана Уайт Ислам Махачевнинг кейинги рақиби ҳақида гапирди

"Ҳа, мен ҳалиям Ислам Махачев ва Бениель Дариуш жангини ташкил этмоқчиман. Аммо Жо Роган ташқарида мени тутиб олди ва бу ишни қилмаслигимни сўрамоқда. У Махачев ва Оливейра жангини ўтказишга кўндирмоқчи. 

Тан олайлик, Дариуш - Махачев жанги ажойиб тўқнашув бўлади. Уларнинг ҳар иккиси ҳам "қотил". Уларнинг қайси бири биринчи рақамли даъвогар бўлишини кўришни истардим. 

Лекин сизни алдамоқчи эмасман. Бугун кўрганларимдан кейин Исламнинг Оливейрага қарши жангини ҳам инкор эта олмайман. Сешанбада штабга қайтамиз. Бир неча исмларни деворга иламиз ва улардан нимадир чиқариш ҳақида ўйлаймиз", - деди Уайт.