Дана Уайт Жастин Гэтжининг танаффус олиш қарори ҳақида гапирди

UFC енгил вазн тоифасида амалдаги чемпионнинг бу қарори дивизион ривожига тўсқинлик қиладими деган саволга ташкилот раҳбари Дана Уайт салбий жавоб берди.

"Мен у дивизионни ортга тортяпти деб ўйламайман – у яқиндагина жанг ўтказди. Унинг қўллари ҳали ҳам оғрияпти. Аслида у бу жангда иштирок этиши керак бўлган йигит эмасди, лекин у таклифни қабул қилди ва жуда ажойиб услубда ғалаба қозониб, ҳаётини бутунлай ўзгартириб юборди. Шунинг учун у қабул қиладиган қарорини яхшилаб ўйлаб олишга ҳақли", – деди ташкилот раҳбари Лас-Вегасдаги матбуот анжуманида.

Жорий йилда Жастин Гэтжи ўз фаолиятидаги энг йирик икки ғалабага эришди: январь ойида Пэдди Пимблетт устидан қозонилган ғалаба эвазига UFC енгил вазн тоифасидаги вақтинчалик чемпионлик камарини қўлга киритди, июнь ойида эса америкалик бирлаштирувчи жангда Илия Топурияни сенсацион тарзда мағлуб этиб, дивизионнинг янги чемпионига айланди.