Дана Уайт Жон Жонсни тарихдаги энг яхши жангчи унвонидан маҳрум қилмоқчи

Аммо бир ҳафтадан сўнг ўтказиладиган жангда Алекс Перейра Сирил Ганни мағлуб этиб, оғир вазн тоифасида вақтинчалик UFC чемпионига айланса, ҳамма нарса ўзгариши мумкин. Бу ҳақда ташкилот раҳбари Лига байрам тадбирини "кўргазма" деб атаган Жо Роганнинг изоҳига жавобан маълум қилди.

"Жо Роган турли масалаларда ўз фикрига эга бўлган катта одам ва биз у билан ҳақиқатан ҳам яхши дўстмиз. У бўлажак турниримизни "кўргазма" деб атади, лекин бу нимани англатади? Бу ҳақиқий жанглар бўлиб, улар жуда кўп нарсани ўз ичига олади. Агар Перейра учинчи вазн чемпионлигини қўлга киритса, у Жон Жонсни ортда қолдириб, барча даврларнинг энг буюк жангчисига айланади.

Шундай экан, бу тадбирда ҳеч қандай хўжакўрсинга ҳеч нарса йўқ. Биз Американинг 250 йиллигини нишонлаяпмиз ва бу карддаги ҳар бир жанг ким ғалаба қозониши ва ким мағлуб бўлиши учун қандайдир аҳамиятга эга. Бу Америка тарихидаги энг тарихий спорт воқеаси", - деди Уайт "Forbes" нашрига берган интервьюсида.

Оғир вазн тоифасидаги чемпионлик жанги 14 июнь куни Оқ уйда бўлиб ўтадиган UFC байрам турнирининг иккинчи муҳим воқеаси бўлади.