Дана Уайт кечаги оммавий муштлашувга муносабат билдирди

Ушбу оқшом ўтказилаётган бир паллада мухлислар ўтирган трибунада оммавий муштлашув рўй берганди. UFC раҳбари ушбу ҳолатга ўз муносабатини билдирди ва барча айбни ўзидан соқит қилди. Дананинг сўзларига қараганда, залдаги хавфсизликка ташкилот эмас, турнирни қабул қилаётган мезбон давлат жавобгар бўлади.  

"Мухлисларнинг ўзаро муштлашуви UFC турнирларига соя соладими, яъни обрўсизлантирадими? Бизда шу пайтгача бундай оммавий жанжал кузатилмаганди. Илк бор айнан Мехикода ҳолат юз берди. Энг ақлга сиғмайдиган ҳолат шундаки, бу муштлашув тўхтовсиз давом этаверарди. Мен воқеа бўлаётган томонга қараб югурдим. Ҳеч ким уришни тўхтатишга ҳаракат ҳам қилмасди. Хавфсиз ходимлари вазиятга аралашишини кутиб турдим. Лекин улар аксинча, муштлашувни томоша қилиб туришарди. Такрор айтаман, бу мен кўрган энг ақлга сиғмайдиган ҳолат эди. Умримда бунақасини кўрмаганман. Лекин бу нарса UFC турнирлари нуфузига салбий таъсир ўтказмайди. Бу ҳолат бўлиб ўтди ва тугади. Мен айбни мезбонлар томонидан бириктирилган хавфсизлик ходимларига қўяман", - деди Дана Уайт.