Дана Уайт ўзи билмаган ҳолда UFC 305 турнири асосий жангларини айтиб қўйди + ФОТО

У UFC 303 турнири жангларини анонс қилаётган бир пайтда 17 август куни ўтказиладиган UFC 305 мусобақасининг асосий кард жангларини кўрсатиб қўйди. Скриншотдан кўриниб турибдики, Австралияда ўтказиладиган турнирнинг марказий жанги Исраэль Адесанья ҳамда ўрта вазнда UFC чемпиони Дрикус Дю Плесси ўртасида бўлиб ўтади. 

Оқшомнинг ко-мэйнивент жангида эса Сонг Ядонг октагонга чиқади. Лекин ҳозирча унинг рақиби йўқ. Катта эҳтимол билан у икки вазнда собиқ UFC чемпиони Генри Сехудога қарши октагонга чиқади.

Карднинг аҳамияти жиҳатидан учинчи жанги австралиялик яримўрта вазн тоифаси вакили  Жек Делла Маддалена иштирокида бўлиб ўтади. Аввалроқ, Жекнинг жароҳати сабабли Пертдаги рақамланган турнирни ўтказиб юбориши ҳақида хабарлар пайдо бўлган эди. 

Шунингдек, UFC 305 турнирининг асосий кардидан Стив Эрцег ва Драккар Клозе иштирокидаги жанглар ҳам ўрин олган. Эрцегнинг рақиби Кай Кара-Франс бўлиши айтилмоқда.