Дана Уайт қайси ҳолатда Перейра оғир вазнда чемпионлик жанги ўтказиши мумкинлигини айтди

Дана бразилиялик аралаш яккакураш устасининг қайси ҳолатда оғир вазн тоифасида англиялик Том Аспиналлга қарши чемпионлик жангини ўтказиши мумкинлигини очиқлади. Перейра навбатдаги жангини Оқ уйдаги UFC турнирида франциялик Сирил Ган билан ўтказади. Бу оғир вазн тоифасидаги вақтинчалик камар учун жанг бўлади.

"Агар Перейра жангда ғалаба қозонса, унда Том Аспиналл билан нима бўлишини кўрамиз. Вазиятга қараб иш тутамиз. Том қайтмаса, у ҳолда Алексда имконият пайдо бўлади", - деди Уайт Лас-Вегасда бўлиб ўтган UFC 326 турнирида Жо Роганга берган интервьюсида.

Эслатиб ўтамиз, Аспиналл декабрь ойида UFC 321 оқшомида Сирил Ган билан ўтказилмаган дея топилган жангда олган жароҳатидан тикланмоқда. Аввалроқ у Эдди Хирннинг Matchroom Boxing агентлиги билан шартнома имзолаган эди.