Дана Уайт Ронда Роузига ишонмайди

Гап шундаки, Ронда фаолиятини икки вазнда мутлақ жаҳон чемпиони 39 ёшли Кэти Тэйлорга қарши бокс жанги билан давом эттиришини маълум қилганди.  

"Бутунлай бемаънилик", - деди Уайт журналистларга берган интервьюсида. 

Тэйлор ҳам яқинда аёллар яккакурашининг асосий юлдузларидан бирига айланган Роузига қарши жангга қизиқиш билдирганди. Шунга қарамай, Уайт Роузи 2016 йилда якунланган жанговар фаолиятини давом эттиришини истисно қилмади. Унинг яқинда машғулотларга қайтган АҚШнинг яна бир машҳур спортчиси Жина Карано билан учрашиши мумкинлиги тахмин қилинмоқда.

"Буни у ҳал қилади, тушуняпсизми, мен нима ҳақида гапиряпман, - деди Уайт Роузининг қайтиши ҳақида. - Шахсан мен уни мақташдан ҳеч қачон тўхтамайман. У WWЕ`га келганида, мендан маслаҳат сўрашди ва мен у сизнинг энг яхши спорт турларингиздан бири бўлишини айтдим. Ронда ўзини бу ерда эркин ҳис қиляпти".