Дана Уайт Саладин Парнасснинг UFC`даги муваффақиятли дебютига изоҳ берди

Парижда бўлиб ўтган UFC Fight Night 287 турнирининг асосий жангида Парнасс янги зеландиялик Ден Ҳукерни биринчи раунддаёқ техник нокаут эвазига мағлуб этганди.

"Бу шунчаки ақл бовар қилмас ҳолат эди. Унинг дебюти ижтимоий тармоқларда бизнинг тарихимиздаги энг ҳайратланарли учинчи воқеага айланди – ундан олдинда фақат Пэдди Пимблетт ва кичик Рауль Росас турибди", – деди ташкилот раҳбари Лас-Вегасдаги матбуот анжуманида.

Шунингдек, лига раҳбари KSW’нинг собиқ икки вазн тоифасидаги чемпиони Макс Холлоуэйни жанг қилишга чорлагани ҳақидаги саволга ҳам жавоб берди.

"Томошабинлар ажойиб эди. Жанг жуда қизиқарли ўтди, унинг Макс Холлоуэйни чақиргани эса умуман ақлдан озишдек гап. Бу қизиқ бўлиши мумкин. Бу йигитнинг ҳозирнинг ўзидаёқ Макс Холлоуэй билан жанг қилишни истаётгани кишини ҳайратга солади. Менга бу ёқди", – дея қўшимча қилди Уайт.

Янги зеландиялик рақибини мағлуб этган Саладин Парнасс UFC енгил вазнлиларининг медиа-рейтингида кучли ўнликка кириб, тўққизинчи ўринни эгаллади, бироқ дивизионнинг асосий (мета) рейтингида кучли 15 таликка кира олмади.