22 янв 17:10
Янгиликлар

Бокс/ММА

Дана Уайт Усик ва Zuffa Boxing билан музокаралар ҳақидаги миш-мишларга изоҳ берди

UFC раҳбари, янги Zuffa Boxing бокс ташкилоти ҳаммуассиси Дана Уайт супероғир вазнда WBA, WBC, IBF ва IBO камарлари соҳиби Александр Усик билан шартнома имзолаш бўйича музокара ҳақида гапирди.

Аввалроқ, бу ҳақда боксчининг менежери Сергей Лапин маълум қилганди.

"Биз дунёдаги энг истеъдодли деб ҳисоблаган ёки шундай бўлиш салоҳиятига эга бўлган ҳар бир киши билан музокаралар олиб борамиз", - деди Уайт матбуот анжуманида.

UFC раҳбари, шунингдек, энг шов-шувли жангларни ташкил этиш учун UFC’нинг муваффақиятли бизнес моделини боксга кўчиришни режалаштираётганини тушунтирди. Унинг таъкидлашича, агар бокс бошиданоқ NFL ёки UFC каби аниқ бизнес сифатида қурилган бўлса, бугунги кунда у бутунлай бошқача даражада бўларди.