Дана Уайт Холлоуэй - Оливейра жангига муносабат билдирди

Аммо шунинг баробарида Чарльз Оливейранинг BMF чемпионлик камари учун кечган жангда Макс Холлоуэйни мағлуб этганини танқид қилганларнинг фикрига ҳам қўшилмаслигини айтди.

"Мен партердан кўра тик ҳолатда кўпроқ ишлашини, Макс тейкдаунлардан яхшироқ ҳимояланишини, агар уни партерга ўтказишса, тезда ўрнидан туришини кутгандим. Лекин бундай кутилмаган бурилишлар бўлиб туради. Зеро, ҳар қандай жангдан мақсад - ғалаба!

Чарльз ғалаба қозониш учун қилиниши керак бўлган барча иш ва чорани амалга оширди. Сиз Максдан сўрашингиз керакдир, лекин машғулот лагерида улар бошқа нарсани кутишган бўлса керак. Агар сиз Чарльзнинг жангларини томоша қилган бўлсангиз, у тик ҳолатда жанг қилишдан қўрқмайди. Ва, шубҳасиз, Оливейра жамоасида ҳақиқатан ҳам Максни партерга ўтказишса, ҳаммаси ҳозиргидек бўлишига ишонишган", - деди Уайт UFC 326 турниридан кейинги матбуот анжуманида.

Эслатиб ўтамиз, америкаликка тегишли BMF камари ўртага қўйилган енгил вазн тоифасидаги ушбу жанг тўлиқ беш раунд давом этиб, якунда бразилияликнинг очколар ҳисобидаги ғалабаси билан тугаганди.