29 мар 16:07
Янгиликлар

Теннис

Даниил Медведев Майами "Мастерс" 1/4 финалида

АҚШнинг Майами шаҳрида ўтказилаётган "Мастерс" турнирида 1/4 финалчилар маълум бўлмоқда.

Дунёнинг бешинчи ракеткаси Даниил Медведев бош соврин учун курашни давом эттиряпти. Россиялик теннисчи рейтингнинг 79-поғонасида бораётган франциялик Кантен Галидан устун келди - 6/4, 6/2.

Теннисчиларнинг ўзаро учрашувларидаги ҳисоб мувозанати тикланди - 1:1. Етмиш бир дақиқа давом этган баҳсда Медведев 7, Гали 5 та эйс зарбасини амалга оширди. Энди Даниил Майами "Мастерс" 1/4 финалида америкалик Кристофер Юбэнксга қарши кортга чиқади.