Даниил Медведев Шанхай "Мастерс" учинчи даврасига чиқди

Дунёнинг бешинчи ракеткаси Даниил Медведев иккинчи даврада ATP рейтигида 88-поғонада бораётган бразилиялик Тьяго Зайбот Вилдни икки сетда ҳам бир хил ҳисобда таслим этди - 7/5, 7/5. Бу билан Даниил теннисчиларнинг ўзаро учрашувларидаги ҳисоб мувозанатини ҳам тиклаб қўйди - 1:1. 

Бир соату 57 дақиқа давом этган баҳсда Медведев 6, Зайбот Вилд 2 та эйс зарбани амалга оширди. Қўшхато ва брейклар бўйича устунлик мос равишда 3 га 1, 4 га 2 кўринишида Даниил фойдасига ҳал бўлди. Энди Медведев учинчи босқичда италиялик Маттео Арнальдига қарши кортга чиқади.