Даниил Медведев US Open якунида АТР рейтингидаги етакчиликни бой беради

У 16 ҳафта давомида АТР рейтингини бошқариб турди. Бу натижа теннис тарихидаги 17-кўрсаткичдир. Эндиликда Рафаэль Надаль, Карлос Алькараз ва Каспер Рууд рейтингда етакчилик қилиши мумкин.

"Бундан хафа бўлдим. Албатта кийиниш хонасида йиғламайман, лекин бу қайғули хабар.

Энди мен рейтингда қайси ўринда бўлишимни ҳам билмайман. Мен учинчи ёки тўртинчи ўринда бўламан шекилли. Эҳтимол, Алькараз ҳам мендан ўтиб кетар.

Бу мени олдинга ундайди. Жорий мавсумда «Катта Дубулға» турнирларида етарлича юқори натижа кўрсата олмадим. Имкониятлар бўлсада, Австралияда чемпионликни қўлга кирита олмадим.  "Уимблдон"да ўйнамадим, Парижда ҳам тўртинчи босқичга қадар етиб бордим. Агар биринчи бўлишни истасам, яхшироқ ўйнаб, кўпроқ очко тўплашим керак”, - дея Медведевнинг сўзларини келтирган US Open матбуот хизмати.