Даниил Медведевнинг финалдаги рақиби маълум

Иккинчи ярим финал учрашувида дунёнинг тўққизинчи ракеткаси, америкалик Тэйлор Фритц ATP рейтингида 14-поғонада бораётган британиялик Кэмерон Норрини 7/6(4), 4/6, катта тай-брекда 10:6 ҳисобида мағлубиятга учратди. 

Саксон тўққиз дақиқа давом этган баҳсда Фритц 13, Норри 3 та эйс зарбасини амалга оширди. Иккала теннисчи ҳам қўшхатога йўл қўйишмади. Теннисчилар ўртасидаги учрашувларда ҳисоб мувозанати тикланди - 6:6. Ар-Риёд турнири бош соврини учун Фритц россиялик Даниил Медведевга қарши кортга чиқади.