29 авг 12:36
Янгиликлар

Футбол

Дансо йўқ! Абдуқодир Ҳусанов учун йўл очилдими?

Бугун тунда Франциянинг "Ланс" клуби Конференциялар лигаси плей-офф босқичида ўйин ўтказади.

Грецияда "Панатинайкос" меҳмони бўладиган "Ланс" клубининг бўлажак баҳс учун қайдномаси эълон қилинди. Рўйхатда куни кеча Римга етиб борган марказий ҳимоячи Кевин Дансо йўқ. Дансо тез орада "Рома" клуби билан шартнома тузади.

Бугунги ўйин қайдномасида Ўзбекистон терма жамоаси ҳимоячи Абдуқодир Ҳусанов бор ва у жуда катта эҳтимол билан айнан Дансонинг ўрнига асосий таркибда майдонга тушади. Дансодан ташқари ўтган учрашувда қизил карточка олган Медина ҳам бугунги баҳсни ўтказиб юборади.

Маълумот учун, "Ланс" уйида ўтган биринчи баҳсда 2:1 ҳисобида Франция клуби ғолиб бўлган эди.