Дариуш Махачевга қарши кечадиган жангга муносабат билдирди

Оқшомнинг марказий жанги енгил вазн тоифаси чемпионлик камари учун даъвогарлар - Ислам Махачев ҳамда Бенеил Дариуш ўртасида ўтказилади. Ҳар икки яккакураш устаси бўлажак жанг ҳақида ўз фикрларини билдиришди. 

"Ҳозирча жанг шартномасини расман имзо чекмадик. Менга жанг февраль ойида ўтказилишини айтишди. Мен даъвогарлар жангини хоҳлагандим ва бу айнан шу мақомдаги жанг. Иккимизнинг менежеримиз ҳам бир инсон ва у бизнинг ўзаро жанг ўтказишимизни истамаганди. Лекин вазият шунга келиб қолди. Қолган ТОП жангчилар банд. Мен менежерни ҳам, UFC боссларини ҳам тушунаман. Менга ҳозир рақибнинг фарқи йўқ, менга жанг керак!", - деди Дариуш.

Дариушнинг сўзларига қараганда, у россиялик жангчига қарши партерда ҳам, "стойка"да ҳам рақобат кўрсата олади. 

"Мен Ислам қандай услубда жанг қилиши ҳақида эмас, ўзимнинг жангим хусусида ўйлашим керак. Мен грепплерман ва шундан келиб чиқиб мени унинг грепплинги ҳавотирга солмайди. Ўзимнинг зарба техникамга ишонаман. Тик турган ҳолатдаги жангга ҳам тайёрман", - дея сўзларига якун ясади Бенеил. 

Маълумот учун, айни пайтда Бенеил Дариуш UFC рейтингида учинчи,  Ислам Махачев эса тўртинчи поғонадан жой олган.