17 янв 14:45
Янгиликлар

Теннис

Дарья Касаткина расман Австралия фуқаролигини олди + ФОТО

Дунё рейтингида 48-ўринни эгаллаб турган 28 ёшли россиялик теннисчи Дарья Касаткина расман Австралия фуқаролиги сертификатини қўлга киритди.

"Расман австралиялик! Бахтлиман, миннатдорман ва эркинман", - деб ёзди Касаткина ижтимоий тармоқдаги саҳифасида.

Эслатиб ўтамиз, Касаткина 2025 йилнинг баҳоригача Россия шарафини ҳимоя қилган ва шундан сўнг Австралия байроғи остида турнирларда иштирок этиб келмоқда. Дарья яқинда берган интервьюсида халқаро турнирларда Австралия шарафини ҳимоя қилишдан фахрланишини айтганди.

Эслатиб ўтамиз, Касаткина навбатдаги расмий учрашувини Australian Open турнирида ўтказади. У мусобақанинг биринчи даврасида Чехия вакиласи Никола Бартунковага қарши кортга чиқади.