Дастин Порье фаолиятини якунлаши ҳақидаги саволга жавоб берди

Бу саволга унинг ўзи жавоб берди.

"Биласизми, менда бу саволга аниқ жавоб йўқ. Эртага нима бўлишини билмайман. Бошқа ҳеч қачон "қафас"га кирмайман деб ҳам айта олмайман. Лекин бошқа томондан олиб қарасак, менда қайтиш учун ҳам айтишга арзигулик сабабнинг ўзи йўқ. 

Нимага жанг қилишим керак? Ҳа, жанглар менга ёқади. Аммо ўтган йиллар давомида менда муаммолар етарлича бўлди. Балки яқин бир-икки ҳафтада ҳаммасини обдон ўйлаб кўриб, тарозига қўйиб, кейин якуний қароримни эълон қиларман. Кетишимга қўймаётган бир нарса бор — дивизиондаги энг кучли жангчиларга бемалол рақобат қила олишим. 

Ҳали ёш унчалик таъсирини ўтказгани йўқ. Менда ҳалиям шижоат, жангни ўқий билиш ҳамда энг муҳими, реакция бор. Тўғрисини айтсам, мен фаолиятимни якунлаш бўйича иккиланаяпман. Айниқса, чемпионлик ҳақида ўйлай бошласам. Чемпионлик пойгасига қайтишим учун яна нечта жанг ўтказишим керак? Билмайман. Лекин камар иштиёқида яна 5 та жанг ўтказиш ниятим йўқ", — дея Порьенинг сўзларини келтиради Yahoo Sports портали.