Дастин Порье Ислам Махачев билан жанг қилишга тайёрлигини айтди

Америкалик жангчи мақсади жиддий экани, бу гапларни оммани ўзига қаратиш учун айтмаётганини таъкидлади. 

"Дастин ғалаба қозонмагунига қадар унга чемпионлик жанглари бераверишадими?", - дея мухлислардан бири Порьенинг мурожаатига фикр қолдирганди. 

"Режа шундай!", - дея Порье ижтимоий тармоқдаги мухлисга "ответ" қилди.

"Сен яна учинчи раундда ютқазасан", - дея яна бир мухлис мунозарага қўшилди. 

"Ортдан бўғиш усули биланми?", - дея "Бриллиант" сўз ўйини билан жавоб берди.

Маълумот учун, Дастин Порье икки бор чемпионлик камари учун жанг қилган ва ҳар иккисида ҳам омадсизликка учраган. Дастлаб UFC чемпиони Хабиб Нурмагомедовга, кейин эса Чарльз Оливейрага имкониятни бой берган. Ҳар икки собиқ чемпионлар Порьени бўғиб қўйганди. 

Дастин ўтган йилнинг ноябрь ойида ватандоши Майкл Чендлерни учинчи раундда бўғиш усули билан мағлубиятга учратган эди.