Дастин Порье: "Катта шов-шув билан кетмоқчиман, лекин бу чокларсиз бўлмайди"

Унинг айтишича, Макс Холлоуэйга қарши бўлажак жанг унинг фаолиятидаги энг ёрқин жанглардан бирига айланиши керак.

"Мен учун фақат афсонавий рақиб бўлиши керак эди. Макс бунга тўлиқ мос: у Гэтжини нокаут қилган, Топурияга ютқазган бўлса-да, ҳанузгича яхши формада. У узоқ вақт чемпион бўлган. Мана шундай рақиблар менинг ғалабалар рўйхатимда бўлишини истайман.

Жанг ҳафтасидаги ҳар бир лаҳзани ҳис қилишга ҳаракат қиламан. Чунки бу охирги марта. Энди ҳеч қачон жанг куни эрталаб бўладиган ҳаяжонни ҳис қилмайман. Шунинг учун, мен шоу қилиб кетмоқчиман. Бу кеча жанги, йил жанги бўлиши керак. Ҳа, бу чок тушишларсиз бўлмайди", – деди Порье.

Порье ва Холлоуэй ўртасидаги жанг 20 июль тонгида ўтказаилади.