27 сен 09:28
Янгиликлар

Бокс/ММА

Дастин Порье кейинги жанги кимга қарши ўтказилишига шама қилди

Енгил вазнда собиқ вақтинчалик UFC чемпиони Дастин Порье навбатдаги жангини кимга қарши ўтказиш истагида эканини очиқлади.

Америкалик тажрибали аралаш яккакураш устаси ҳамюрти Жастин Гэтжи билан учинчи бор октагонда тўқнаш келмоқчи.

"Трилогия?" — дея ижтимоий тармоқдаги саҳифасида хабар қолдирган Дастин.

Эслатиб ўтамиз, Порье ва Гэтжи ўзаро икки бор жанг ўтказишган. 2018 йил UFC on Fox 29 турнири доирасидаги илк жангда "Бриллиант" тўртинчи раундда рақибини техник нокаутга учратган эди. 2023 йилнинг 30 июль тонгида ўтган UFC 291 турнирида эса Жастин иккинчи раундда Дастинни нокаутга учратиб, мувозанатни тиклаб қўйганди.