09 мар 13:29
Янгиликлар

Бокс/ММА

Дастин Порье Оливейранинг Холлоуэйга қарши реванш жангидаги ғалабасига изоҳ берди

Енгил вазн тоифасида UFC чемпионлик камари учун уч карра даъвогар Дастин Порье UFC 326 турнирининг асосий жангини беэътибор қолдирмади.

Лас-Вегас шаҳрида бўлиб ўтган реванш мақомидаги жангда бразилиялик собиқ чемпион Чарльз Оливейра америкалик Макс Холлоуэйни очколар ҳисобига кўра мағлубиятга учратиб, рақибининг BMF камарини тортиб олганди.

"Бу тотал устунлик эди. Жанг олдидан Макс кўнгилсиз ҳодисаларга дуч келади, партерга тушиб қолади, деб ўйлагандим. Лекин 25 дақиқа давомида жанг шу зайлда давом этади деб ўйламагандим.

Биз ҳеч қачон Макс устидан бундай ҳукмронлик қилишларини кўрмаган эдик. Чарльз жинни бўлиб қолганга ўхшарди. У Максни ортга чекинишга мажбур қилди... Ва бу тейкдаунлар, бу классик кураш эмас эди, у шунчаки уни ер тишлатди. Холлоуэйнинг тейкдаунлардан ҳимояси йўқ эди", - деди Порье Paramount эфирида.