18 сен 20:08
Янгиликлар
Теннис
Davis Cup. Ҳисобни қисқартирдик. Истомин ва Файзиев жуфтлиги ғалаба қозонди
Хабарингиз бор, Ўзбекистон терма жамоаси "Дэвис кубоги" жаҳон лигаси саралаш босқичида Норвегияга қарши баҳс олиб бормоқда.
Бугун мусобақа доирасида жуфтлик баҳслари ва иккита яккалик беллашувлари бўлиб ўтиши белгиланган эди.
Ҳозиргина Денис Истомин / Санжар Файзиев жуфтлиги Каспер Руд / Виктор Дурасович тандемига қарши кортга чиқди. Ушбу баҳс тўқнашув тақдирини ҳал қилиб бериши билан ҳам аҳамиятли эди.
1 соату 30 дақиқа давом этган учрашувда Истомин/Файзиев тандеми мезбонларни 7/6, 6/4 ҳисобида мағлуб этишди. Шу тариқа ҳисобни қисқартирдик. Айни пайтда ҳисоб Норвегия фойдасига 2:1 ҳисобига ҳал бўлиб турибди.
Бироздан сўнг тўртинчи ва бешинчи баҳсларда Санжар Файзиев ва Ҳумоюн Султонов яккалик ўйинида кортга чиқади.
Ҳавола :
Манба : olamsport.com
Фикрлар