19 июл 10:44
Янгиликлар

Теннис

Davis Cup. Кутганмидингиз? Ўзбекистон Иордания, Филиппин ва Вьетнамга ютқазди

Ўзбекистон эркаклар теннис терма жамоаси Малайзиянинг Куала-Лумпур шаҳри мезбонлик қилаётган Davis Cup III Осиё/Океания гуруҳи мусобақасида кетма-кет учта учрашувда мағлубият аламини тотиб кўрди.

Гуруҳ босқичининг илк учрашувида терма жамоамиз Сингапур устидан 2:1 ҳисобида ғалаба қозонганди. Кейин эса Сергей Лебедь ва Дмитрий Томашеевич мураббийлигидаги теннисчиларимиз Филиппинга 1:2, Иорданияга 0:3 ҳисобида ютқазиб, А гуруҳида сўнгги ўринни банд этишди.

Кеча B гуруҳида учинчи ўринни эгаллаган Вьетнам терма жамоасига қарши кечган ўтиш баҳсида ҳам теннисчиларимиз имкониятни бой беришди — 0:2. Бундай аламли мағлубиятлар эркаклар терма жамоамизда анчадан бери кузатилмаган эди.