18 сен 01:42
Янгиликлар
Теннис
Davis Cup. Норвегия - Ўзбекистон 2:0. Денис Истомин ҳам мағлуб бўлди
Хабарингиз бор, норасмий жаҳон чемпионати ҳисобланадиган "Дэвис кубоги"нинг плей-офф босқичида Ўзбекистон терма жамоаси Осло шаҳрида Норвегияга қарши баҳс олиб бормоқда.
Қарама-қаршиликнинг илк баҳсида Ҳумоюн Султонов (418) жаҳоннинг 10-рақамли теннисчиси Каспер Рудга қарши кортга чиқиб, ютқазиб қўйган эди.
Ҳозиргина икки терма жамоа ўртасидаги иккинчи учрашув ҳам якунланди. Унда мамлакатимизнинг биринчи ракеткаси Денис Истомин (226) мезбонларнинг иккинчи ракеткаси Виктор Дурасович (381)га қарши баҳс олиб борди. 1 соату 28 дақиқа давом этган учрашувда афсуски, Истомин ҳам 4/6, 4/6 ҳисобида имкониятни бой бериб қўйди.
Шу тариқа, Норвегия ушбу қарама-қаршиликда 2:0 ҳисобида олдинда бормоқда.
Ҳавола :
Манба : olamsport.com
Фикрлар