09 фев 15:07
Янгиликлар

Дзюдо

Давлат Бобонов "Катта Дубулға"даги иккинчи ғалабасига эришди

Франция пойтахти мезбонлик қилаётган Париж "Катта Дубулға" турнири қизғин курашлар остида давом этмоқда.

Ҳозиргина Paris Grand Slam 2020 мусобақасининг -90 кг вазн тоифасидаги баҳсларида иштирок этаётган дзюдочимиз Давлат Бобонов иккинчи ғалабасини қўлга киритди.

Бу сафар Давлат словакиялик Петер Жилкадан устун келди ва учинчи даврага йўл олди. Бу босқичда унга асли келиб чиқиши грузиялик, айни пайтда Испания шарафини ҳимоя қилаётган Николоз Шеразадишвили рақиблик қилади.