13 сен 14:06
Янгиликлар

Дзюдо

Давлат Бобонов Самарқанд ОЗКда бўлди

Токио-2020 Олимпия ўйинларининг бронза медали совриндори Самарқанд олимпия захиралари коллежида ёш дзюдочилар билан учрашди.

Учрашув чоғида Ўзбекистоннинг 2020 йилдаги энг яхши спортчисига унинг мураббийи, Ўзбекистон Республикасида хизмат кўрсатган спорт устози Нурали Қобилов ҳамроҳлик қилди. Бобонов ёшларни ўзлари устида кўпроқ ишлашга, ҳеч қачон таслим бўлмасликка чақирди. Кўзланган мақсадга фақат тинимсиз ва машаққатли меҳнат орқали эришиш мумкинлигини урғулади.

Ўз ўрнида коллеж тарбияланувчилари ҳам ўзларини қизиқтирган саволларга жавоб олишди. Учрашув сўнггида эсдалик учун суратга тушилди.