Давлат Бобоновни табриклаймиз!

Давлат Бобонов 1997 йил 7 июн куни Навоий вилояти Нурота туманида дунёга келган. Самарқанд вилоят ихтисослаштирилган спорт интернатида ўқиган. Самарқанд давлат университетида таҳсил олган. Мураббийи - Нурали Қобилов. 

Ёш бўлишига қарамай, ҳозиргача айтишга арзигулик ютуқларга эришган. 2016 йилда ёшлар ўртасидаги Осиё чемпионатининг олтин медалини қўлга киритган. Ўша йили Тошкент Гран-присида ҳам зафар қучди. 2020 йилда "Катта Дубулға" туркумига кирувчи Дюсселдорф турнири ғолибига айланди. Аввалига Будапешт шаҳрида ўтган жаҳон чемпионатининг кумуш, кейин эса Токио Олимпиадасининг бронза медали совриндори бўлди. 

-90 кг вазн тоифасида Олимпия ўйинлари чемпиони бўлган терма жамоамиз бош мураббийи Илиас Илиадис том маънода Бобоновнинг янги қирраларини очишга эришди. У Осиё ўйинларидан ташқари қолган барча мусобақаларда ғолиб ва совриндор бўлди. 

Фурсатдан фойдаланиб, Давлат Бобоновни бугунги унутилмас кун билан муборакбод этамиз.