Даврон Файзиев Мадримов - Кроуфорд жанги фаворити ҳақида гапирди

Оқшомнинг марказий жангида ҳамюртимиз суперярим ўрта вазн тоифасида WBA чемпиони Исроил Мадримов P4P рейтинги етакчиларидан америкалик Теренс Кроуфордга қарши рингга кўтарилади. Таниқли шарҳловчи Даврон Файзиев бўлажак жанг ҳақида шундай фикр билдирди.

"Исроил Мадримов жуда яхши ҳаваскор бокс мактабини босиб ўтди. Проф боксга кириб келганига ҳали кўп бўлмади, лекин етарлича қийинчиликларни кўришга улгурди. Жароҳатлар, кучли рақибларга қарши жанглар. Бу ҳолатларда у ўзининг руҳиятини кўрсата олди. Шахсан мен Мадримовга ишоняпман. Кроуфорддек номдор боксчига қарши жанг ўтказишга ҳали эрта эмасмиди? Менимча, ҳозир айни пайти. Жароҳатидан тўлиқ фориғ бўлди. Ўзининг яхши спорт формасига кириб олди. Теренсдан ёш, бу ҳам муҳим жиҳатлардан бири. Ўзига яраша плюсларимиз кўп. Тезлик ва жисмоний томонлама устунлик Кроуфорд томонда. Теренснинг биргина устунлиги унинг йиллар давомида тўплаган бой тажрибасида бўлиши мумкин. У катта жангларни кўрган, балки шу томондан жангда бироз устунликка эга бўлар. Аммо умумий қилиб олганда барибир Исроил Мадримовда плюслар кўпроқ кўриняпти. Магомед Курбановга қарши кечган чемпионлик жанги Исроилни улғайганини кўрсатди. Бу жанг ҳамюртимизга жаҳон боксида суперюлдуз бўлиб олиш учун хизмат қилади. Буни унинг ўзи ҳам тушуниб турибди", - деди Файзиев.