Даврон Файзиев: "Топурия енгилмас жангчи эмас, у учун энг муносиб рақиб — бу..."

"Илия Топурия енгилмас, демаган бўлардим. UFC'да аниқ тахмин билдириш тўғри бўлмайди, менимча. Биргина лакипанч ҳаммасига нуқта қўйиши мумкин. Бу энг кутилмаган натижаларга бой спорт тури. Шундай экан, Топурия енгилмас, деган гапни айтолмайман. Лекин ҳозирги кунда скиллари ҳамда ривожланиш динамикаси бўйича у энг зўрларидан бири. Бироқ Ислам Махачев ундан бироз тажрибалироқ. Махачевда кураш базалари яхшироқ. Кўпчилик Топурияни тик турган ҳолда бокси зўр, дейишадику, лекин Топурияда ҳам аслида базаси кураш. Ўйлашимча, бу икки спортчи ҳозир P4P рейтингида етакчи экани бежизга эмас. Топурияни ҳам вақти келиб, тўхтатишади. Бугунги кунда у учун ягона муносиб рақиб бу Ислам Махачев", дейди Даврон Файзиев Olamsport.com мухбири Сарвиноз Рахмонқулова билан суҳбатда.