21 окт 15:02
Янгиликлар

Теннис

Даяна Ястремская ютқазиб қўйди

Чехиянинг Острава шаҳрида теннис бўйича WTA турнири бўлиб ўтмоқда.

Дунёнинг 29-ракеткаси, украиналик Даяна Ястремская J&T Banka Ostrava Open турнирининг илк даврасидаёқ мағлубиятга учради. У рейтингда ўзидан уч поғона юқорида турган америкалик Женнифер Брэдига имкониятни бой берди - 6/3, 6/7(6), 1/6.

Икки соату 1 дақиқа давом этган баҳсда Даяна 3, Женнифер эса 12 та эйс зарбани амалга оширди. Бу теннисчиларнинг ўзаро ўтказган илк учрашуви эди. Энди Брэди иккинчи даврада россиялик Дарья Касаткинага қарши кортга чиқади.