Делида илк олтин медаль қўлга киритилди

Дунё биринчилигида 11 нафар ҳамюртимиз ҳам ўз маҳоратини намойиш этяпти. Халқаро Шахмат академияси матбуот хизматининг маълумотига кўра, ФИДЕ тоифасидаги спорт устаси, Халқаро шахмат академияси тингловчиси Муҳаммадали Абдураҳмонов рапид йўналиши бўйича баҳсларда олтин медални қўлга киритган. 

Халқаро гроссмейстер Марат Жумаев мураббийлигида мусобақага тайёргарлик кўрган ҳамюртимиз 7 турдан иборат баҳсларда 5,5 очко жамғариб, 18 ёшгача бўлган шахматчилар орасида мутлақ ғолиб бўлди. Жаҳон чемпионати 11 сентябрга қадар давом этади.