Денис Истомин катта теннисдаги фаолиятини якунлади. Ўзбекистон уни қандай кузатиб қўйди? (ФОТО)

"Ҳумо Арена" мезбонлик қилган "Дэвис кубоги" доирасидаги Ўзбекистон - Польша учрашувидан сўнг кичик тадбир ташкил этилди. 

Унда Денис Истомин ёш теннисчимиз Амир Милушевга қарши кўргазмали учрашув ўтказди. 

Шундан сўнг эса Ўзбекистон Республикаси Спорт вазири Адҳам Икрамов, МОҚ бош котиби Ойбек Касимов, Ўзбекистон теннис федерацияси раиси Алишер Мирсоатов, федерация бош котиби Ирода Тўлаганова кортга чиқиб келди. 

Вазир Адҳам Икрамов Денис Истоминнинг теннисимиздаги тутган ўрни, қўшган ҳиссаси ҳақида илиқ фикрлар билдирди. Шундан сўнг Денисга анъаналаримизга кўра, чопон кийдирилди.

Ўз навбатида Истомин бундай эътибордан мамнун эканлигини таъкидлади.

Шу тариқа, Денис Истомин катта теннисдаги фаолиятига якун ясади. 

Тадбирдан суратларни томоша қилинг. 

ФОТО: Азиз Тўхтамуродов