Денис Истомин US Open турнирида кортга чиқди

Ҳамюртимиз бундан бир неча дақиқа аввал якунига етган илк давра баҳсида америкалик Стив Жонсонга қарши кортга чиқди. Икки соату 12 дақиқа давом этган учрашувда мезбонлар вакили 6:3, 7:6(6), 6:3 ҳисобида зафар қучиб, иккинчи даврага йўл олди.

Таъкидлаш жоиз, Истомин шанба куни Осиё ўйинларининг ҳал қилувчи финал учрашувида хитойлик Йибинг Вуни мағлубиятга учратиб, олтин медални қўлга киритган эди. Деярли бир суткалик парвоз ва чарчоқ аломатлари бугунги баҳсда ўз сўзни айтди. 

Таққослаш учун, Денис Истомин дунё рейтингида 76, Жонсон эса 31-поғонадан жой олган. Икки теннисчи шу кунгача ўзаро бир маротаба тўқнаш келганди. 2015 йилнинг 18 сентябрь куни Тошкентда АҚШ терма жамоасига қарши кечган баҳсда Истомин Жонсонни 6:1, 3:6, 7:6(5), 6:7(3), 7:5 ҳисобида мағлуб этган эди. Демак, энди ҳисоб тенглашди.