07 ноя 17:01
Янгиликлар

Бокс/ММА

Деонтей Уайлдер ўзини кино ҳамда акваланчи сифатида синаб кўрмоқчи

Профессионал бокснинг супероғир вазн тоифасида WBC йўналиши чемпиони Деонтей Уайлдер қачон фаолиятини якунлаши ҳақида берилган саволга жавоб берди.

Шунингдек, америкалик жаҳон чемпиони қўлқопларини михга илганидан сўнг қайси соҳа билан шуғулланмоқчи эканлигини ҳам очиқлаб кетди.

"Тўғриси, қачон фаолиятимни якунлашни билмайман. Тахминан олти йил яна бокс тушаман. Шундан сўнг ўзимни кинода синаб кўриш истагидаман. Актёрликка қизиқишим юқори. Мен суратга олиш майдонида бўлишга улгурганман. Ўшанда саҳнада роль ижро этишим ўхшаганди. Кейин аквалангчи бўлиб, океан ҳақидаги билимларимни ҳам оширмоқчиман", - дея Уайлдернинг сўзларидан иқтибос келтирмоқда Fight Hub.

Эслатиб ўтамиз, Деонтей Уайлдер навбатдаги жангини 23 ноябрь куни АҚШнинг Невада штати Лас-Вегас шаҳрида кубалик Луис Ортисга қарши ўтказади.