Дэвид Бенавидес Биволни танқид қилди

"Биз Ди-Бой (Бивол) билан жангни жуда узоқ вақтдан бери ташкил этишга ҳаракат қиляпмиз. Биласанми, у бу йирик жангларнинг бирортасини қабул қилишга тайёр эмасга ўхшайди. Бетербиев билан икки жанг ўтказганидан кейин у шов-шувли жангларда иштирок этмади. Шунинг учун Ди-Бой билан нима бўлаётганини ёки унинг режалари қандайлигини билмайман.

Мен эса крузер вазн тоифасидаги жангларга эътибор қаратиш ниятим борлигини айтгандим. Бу ерда кўплаб ажойиб тўқнашувлар бор. 5 декабрь куни Аризона штатидаги Финикс шаҳрида жангим бўлади. Шундан кейин нима бўлишини кўрамиз", — дея Бенавидеснинг сўзларини келтиради InsideRingShow нашри ўзининг X ижтимоий тармоғидаги саҳифасида.